அஜித் குமார் கொலை வழக்கில் திருப்பம்; நிகிதாவுக்கு கோர்ட் சம்மன்

பொய் புகார் திருப்பம்: அஜித் குமார் கொலை வழக்கில் நிகிதாவுக்கு கோர்ட் சம்மன்

 மடப்புரம் அஜித் குமார் கொலை வழக்கில் புதிய திருப்பமாக, பொய் புகார் அளித்ததாக கூறப்படும் நிகிதாவை நேரில் ஆஜராகுமாறு மதுரை மாவட்ட நீதிமன்றம் உத்தரவிட்டு நோட்டீஸ் அனுப்பியுள்ளது. விசாரணையை தீவிரப்படுத்தும் நோக்கில் சிபிஐ தரப்பில் தாக்கல் செய்யப்பட்ட மனுவை தொடர்ந்து இந்த உத்தரவு பிறப்பிக்கப்பட்டது.

ஆரம்பத்தில் நிகிதா அளித்த தகவல்கள் மற்றும் புகார்கள் முரணாக இருப்பது கண்டறியப்பட்டதாக சிபிஐ தெரிவித்துள்ளது. இதனால் அவரிடம் விரிவான விசாரணை நடத்த அனுமதி கோரி சிபிஐ அதிகாரிகள் நீதிமன்றத்தை நாடினர்.

மனுவை விசாரித்த நீதிமன்றம், நிகிதா நேரில் ஆஜராகி விளக்கம் அளிக்க வேண்டும் என உத்தரவிட்டது. கொலை வழக்கில் முக்கிய சாட்சியாக இருந்தவர் மீது பொய் புகார் குற்றச்சாட்டு எழுந்ததாலும், சிபிஐ நேரடியாக விசாரணையில் ஈடுபட்டதாலும் மதுரை மற்றும் சுற்றுவட்டாரங்களில் பரபரப்பு நிலவுகிறது. விசாரணை முடிவில் கொலையின் உண்மையான பின்னணி வெளிவரும் என எதிர்பார்க்கப்படுகிறது.