திருச்சி மேலப்புதூர் புனித அன்னாள் பள்ளி ஆண்டு விழா: மாணவர்களுக்கு பரிசு வழங்கிய விருந்தினர்கள் 

திருச்சி மேலப்புதூர் புனித அன்னாள் பள்ளி ஆண்டு விழா: மாணவர்களுக்கு பரிசு வழங்கிய விருந்தினர்கள் 

திருச்சி மேலப்புதூர் புனித அன்னாள் மழலையர் மற்றும் தொடக்கப்பள்ளியின் 36-வது ஆண்டு விழா பள்ளி வளாகத்தில் மிகச் சிறப்பாக நடைபெற்றது.

புனித சுவக்கின் மாநில தலைமை சகோதரி அருட்சகோதரி கஸ்பார் மேரி விழாவிற்குத் தலைமை தாங்கி, விழாவினைத் தொடங்கி வைத்தார். அவர் தனது தலைமையுரையில், மாணவர்களின் ஒழுக்கம் மற்றும் கல்வி வளர்ச்சியின் முக்கியத்துவம் குறித்து உரையாற்றினார்.

இந்த விழாவில் திருச்சி ஜமால் முகமது கல்லூரி முதல்வர் டாக்டர் ஜார்ஜ் அமலரத்தினம் சிறப்பு விருந்தினராகக் கலந்துகொண்டு மாணவர்களிடையே பேசுகையில், இளைய பருவத்திலேயே திறமைகளை வளர்த்துக்கொள்வதன் அவசியத்தை வலியுறுத்தினார். தொடர்ந்து, பல்வேறு போட்டிகளில் வெற்றி பெற்ற மாணவ-மாணவிகளுக்குப் பரிசுகளை வழங்கிப் பாராட்டினார்.

பள்ளியின் தாளாளர் மற்றும் தலைமை சகோதரி அருட்சகோதரி சோபியா மேபல் மேரி வரவேற்புரை ஆற்றினார். விழாவில் மரிய அன்னை பேராலய பங்கு தந்தை அருட்தந்தை சவரிராஜ், புனித மரியன்னை இல்ல தலைமை சகோதரி ரோஸ்லின் ஆகியோர் முன்னிலை வகித்தனர்.

விழாவின் ஒரு பகுதியாக மாணவ-மாணவிகளின் கண்கவர் கலை நிகழ்ச்சிகள் நடைபெற்றன. இதில் ஆசிரியர்கள், பெற்றோர்கள் மற்றும் பொதுமக்கள் திரளாகக் கலந்துகொண்டனர். முடிவில் பள்ளியின் ஆசிரியர்கள் நன்றியுரை கூற, விழா இனிதே நிறைவடைந்தது.