திருச்சி

10 மரங்கள் நட்டால் தேர்வில் 10 மதிப்பெண்கள்; கிளையை வெட்டினால் 6 மாதம் சிறை: சீமான் அதிரடி

mycitytrichynews

Aug 31, 2025 - 13:59

0 5

10 மரங்கள் நட்டால் தேர்வில் 10 மதிப்பெண்கள்; கிளையை வெட்டினால் 6 மாதம் சிறை: சீமான் அதிரடி

10 மரங்கள் நட்டால் தேர்வில் 10 மதிப்பெண்கள்; கிளையை வெட்டினால் 6 மாதம் சிறை: சீமான் அதிரடி

திருத்தணி அருகே நாம் தமிழர் கட்சியின் சார்பில் மரங்களின் மாநாடு நடைபெற்றது. நான் ஆட்சிக்கு வந்தால் மரத்தை வெட்டினால் ஆறு மாதம் சிறை தண்டனை விதிக்கப்படும் என அக்கட்சியின் தலைமை ஒருங்கிணைப்பாளர் சீமான் தெரிவித்தார். இதுகுறித்த விபரம் வருமாறு; சுற்றுச்சூழலை பாதுகாக்கும் வகையில் நாம் தமிழர் கட்சி சார்பில் மரங்கள் தினத்தை கொண்டாட ஏற்பாடு செய்யப்பட்டது. திருத்தணி அருகே அருங்குளம் பகுதியில் உள்ள மனிதநேய தோட்டத்தில் மரங்களுக்கு இடையில் மரங்களின் மாநாடு எனும் 'மரங்களோடு பேசுவோம், மரங்களுக்காகப் பேசுவோம்' என்ற தலைப்பில் பேசப்பட்டது. இதில் கட்சி நிர்வாகிகள், பொது மக்கள் உள்பட பலர் கலந்து கொண்டனர். சுற்றுச்சூழல் ஆர்வலர்கள் முன்னாள் ஜனாதிபதி அப்துல் கலாம், நம்மாழ்வார், சுந்தர்லால் பகுகுணா, மிரா அல்பாசா, வங்காரி மாத்தாய், நடிகர் விவேக் ஆகியோர் படங்களுக்கு மலர் தூவி அஞ்சலி செலுத்தபட்டது. அவர்களின் நினைவாக மரக்கன்றுகள் நடப்பட்டது. மேலும் சுற்றுச்சூழல் உறுதிமொழியை வெளியிட்டார் அக்கட்சியின் ஒருங்கிணைப்பாளர் சீமான். இதில் 500-க்கும் மேற்பட்டோர் பங்கேற்றனர். அவர்களுக்கு மரக்கன்றுகள் வழங்கப்பட்டன. இம்மாநாட்டில் திருவள்ளூர், திருத்தணி தொகுதியில் போட்டியிடும் வேட்பாளர்களை சீமான் அறிவித்தார். அப்போது அவர் பேசியதாவது: இது மரங்களுக்கான மாநாடு என்று சொல்வதை விட உயிர் காற்றை தருகிற தாய்க்கு நன்றி சொல்லும் மாநாடு என்றுதான் கூற வேண்டும். இந்த காட்டில் புலிகள் நுழைந்ததும், ஒரு அணில் கூட கண்ணில்படவில்லை, அணில்களுக்கும் சேர்த்து தான் காடு வளர்க்க நாங்கள் போராடுகிறோம். வாக்குக்காக இருப்பவர்கள் இதுபோன்ற மாநாட்டை நடத்தமாட்டார்கள். காடுகளை அழித்து விரைவாகச் செல்ல சாலை அமைத்த அரசுகள், தூய காற்றுக்கு ரூ.4,500 கோடி ஒதுக்கியுள்ளனர். மரம் நடுவோம் மழை பெறுவோம் என்று சொல்வார்கள் ஆனால் எதுவும் செய்ய மாட்டார்கள். ஒரு மரம் கூட நடமாட்டார்கள். நாம் மரம் வளர்க்க வேண்டும் அதை எப்படி பராமரிக்க வேண்டும் என்று யோசிப்போம். "நான் ஆட்சிக்கு வந்தால் ஒவ்வொரு பிறந்தநாளுக்கும் ஒவ்வொரு குழந்தையும் மரம் நட வேண்டும் என்று சொல்வேன். அதுபோல் பள்ளி மாணவன் ஒருவன் 10 மரங்கள் நட்டால் அவனுக்கு தேர்வில் பத்து மதிப்பெண் வழங்குவேன். 100 மரங்கள் நட்டால் 'சிறந்த தமிழ் தேசிய குடிமகன்' என பாராட்டுச் சான்று வழங்குவேன். வேலைவாய்ப்பில் முன்னுரிமை வழங்கப்படும். 1,000 மரம் நட்டால் அந்த மாணவனின் இறுதி சடங்கில் அரசு மரியாதை இருக்கும். மக்கள் மரம் நடுவதற்கு ஊக்கத்தொகை வழங்கப்படும். சொந்த வீடாகவே இருந்தாலும், அங்குள்ள மரத்தை வெட்ட வேண்டுமென்றால் என்னை கேட்கவேண்டும். கிளையை வெட்டினால் கூட அது சகமனிதனின் கையை வெட்டுவதற்கு சமம் என்பதால், மனிதனை வெட்டினால் தண்டனை என்பதுபோல மரத்தை வெட்டினால் ஆறு மாதம் சிறை தண்டனை விதிக்கப்படும். மனிதனின் பேராசை என்ற பெரும் தீ தான் மரங்களை எரிக்கிறது எனப்பேசினார். க.சண்முகவடிவேல்

What's Your Reaction?

Like 0

Dislike 0

Love 0

Funny 0

Angry 0

Sad 0

Wow 0

mycitytrichynews

mycitytrichynews

Related Posts

தேனிசைத் தென்றல்' தேவா காலமானார்

தேனிசைத் தென்றல்' தேவா காலமானார்

mycitytrichynews Oct 17, 2026 0 49

மணல் குவாரிகளை திறக்கக் கோரி திருச்சியில் பொதுப்பணித்துறை அலுவலகத்தை முற்றுகையிட்ட லாரி உரிமையாளர்கள்

மணல் குவாரிகளை திறக்கக் கோரி திருச்சியில் பொதுப்பணித்து...

mycitytrichynews Oct 16, 2026 0 16

மெத்; செய்தியாளர்களுக்கு மிரட்டல் ; தவெகவை கண்டித்து நாகை பிரஸ் கிளப் சார்பில் கண்டன ஆர்ப்பாட்டம்

மெத்; செய்தியாளர்களுக்கு மிரட்டல் ; தவெகவை கண்டித்து நா...

mycitytrichynews Oct 28, 2026 0 25

அன்பில் மகேஷ் பொய்யாமொழி கைது ; காவல் ஆணையர் அலுவலகத்தில் விசாரணை

அன்பில் மகேஷ் பொய்யாமொழி கைது ; காவல் ஆணையர் அலுவலகத்தி...

mycitytrichynews Oct 26, 2026 0 115

காவிரி துலா ஸ்நானம்: திருப்பராய்த்துறையில் பல்லாயிரக்கணக்கான பக்தர்கள் புனித நீராடல்!

காவிரி துலா ஸ்நானம்: திருப்பராய்த்துறையில் பல்லாயிரக்கண...

mycitytrichynews Oct 18, 2026 0 19

விலைவாசி உயர்வை கட்டுப்படுத்த தவெக அரசு தவறிவிட்டது; மேட்டூர் தண்ணீர் திறப்பில் திட்டமிடல் இல்லை - எடப்பாடி பழனிசாமி

விலைவாசி உயர்வை கட்டுப்படுத்த தவெக அரசு தவறிவிட்டது; மே...

mycitytrichynews Oct 16, 2026 0 11