திருச்சி

திருமாவளவன் பிறந்தநாளில் அவரது சின்னம்மா மரணம்; முதல்வர் இரங்கல்

mycitytrichynewsmycitytrichynews
Aug 17, 2025 - 19:52
 0  12
திருமாவளவன் பிறந்தநாளில் அவரது சின்னம்மா மரணம்; முதல்வர் இரங்கல்

திருமாவளவன் பிறந்தநாளில் அவரது சின்னம்மா மரணம்; முதல்வர் இரங்கல்

விடுதலைச் சிறுத்தைகள் கட்சியின் தலைவர் தொல். திருமாவளவன் தனது பிறந்த நாளை இன்று உற்சாகமாக கொண்டாடி வந்த நிலையில் அவரது சின்னம்மா செல்லம்மாள் உடல் நலக்குறைவால் காலமானார் என்ற செய்தி பிறந்தநாள் கொண்டாட்டத்தில் வேதனையை ஏற்படுத்தியது. தொல்.திருமாவளவனின் 63-வது பிறந்த நாளை முன்னிட்டு நேற்று சென்னை காமராஜர் அரங்கத்தில், “மதச்சார்பின்மை காப்போம்” என்ற தலைப்பில் இசையரங்கம் , கவியரங்கம், வாழ்த்தரங்கம் உள்ளிட்டவை நடைபெற்றன. இந்த நிகழ்ச்சியில் மநீம தலைவர் நடிகர் கமல்ஹாசன் எம்.பி. உள்ளிட்டோர் பங்கேற்றனர். திருமாவளவன் பிறந்த நாளான இன்று முதல்வர் மு.க.ஸ்டாலின் உள்ளிட்ட தலைவர்கள் அவருக்கு வாழ்த்து தெரிவித்து வருகின்றனர். முதல்வர் ஸ்டாலின் வெளியிட்ட வாழ்த்துச் செய்தியில், “ஆழ்ந்த அறிவும் – தெளிவான சிந்தனையும் – உழைக்கும் மக்களின் நலன் காக்க உரமாகும் தியாக எண்ணமும் கொண்ட அருமைச் சகோதரர் – எழுச்சித் தமிழர் திருமாவளவனுக்கு பிறந்தநாள் வாழ்த்துகள்! இலட்சியப் பயணத்துக்குத் துணையாக வரும் தாங்கள் மகிழ்ச்சியுடனும் உடல்நலனுடனும் வாழ்ந்திட வாழ்த்துகிறேன்! என கூறியிருந்தார். இந்நிலையில் திருமாவளவன் தமது சமூக வலைதளப் பக்கங்களில், ” எனது சிற்றன்னை செல்லம்மாள் (78)அவர்கள் சற்றுமுன் இயற்கை எய்தினார். கடந்த ஆக 07 அன்று மூளையில் இரத்தக் கசிவு ஏற்பட்டு சுயநினைவு இழந்த நிலையில் பெரம்பலூரில் உள்ள தனலட்சுமி சீனிவாசன் மருத்துவமனையில் தீவிர சிகிச்சைப்பிரிவில் அனுமதிக்கப்பட்டார். மிகுந்த கவனத்தோடு மருத்துவர்கள் தீவிர கண்காணிப்புடன் சிகிச்சை அளித்தனர். எனினும், பலனின்றி தற்போது காலமானார் என்பது பெருந்துயரமளிக்கிறது. பள்ளிப் பருவத்தில் எனக்கு ஆடை உடுத்தி, தலையில் எண்ணெய்த் தடவி இரட்டை சடைபின்னிவிட்டுப் பள்ளிக்கு அழைத்துச் சென்ற தாய்! தந்தை என்னைக் கண்டிக்கும் போதெல்லாம் எனக்காக வாதாடிய தாய்! வீட்டில் மூத்த மகன் என்பதால் ‘பெரியதம்பி, பெரியதம்பி’ என்று என்னைச் செல்லமாக அழைத்த தாய்! நான் பட்டவகுப்பை முடித்த காலத்திலிருந்து, ‘படித்தது போதும் கல்யாணம் பண்ணு பா’ என அறிவுறுத்திய தாய்! பத்தாண்டுகளுக்கு முன்னரே பக்கவாதத்தால் உடல் நலிவுற்று நினைவு தடுமாறி வீட்டிலேயே முடங்கிய நிலையிலும் எப்போதாவது நான் ஊருக்குச் செல்லும்போது, என் குரல் கேட்டதும் ‘தம்பீ தம்பீ’ என்று ஓடிவந்து என் கைகளை இறுகப் பற்றிக்கொண்டு அன்பைப் பொழிந்த தாய்! இன்று எம்மோடு இல்லை என்பது வாழ்வே வெறுமையாய் உள்ளது. துக்கத்தால் மனம் கனக்கிறது. அப்பா(2010), அக்கா,(2020), சின்னம்மா (2025)என அடுத்தடுத்து இழப்புகளை எதிர்கொள்ளும் அவலம். துயரங்களைத் தாங்கும் நிலை. அம்மாவுக்கு எனது வீரவணக்கம்!” என பதிவிட்டுள்ளார். முன்னதாக பெரம்பலூர் தனலட்சுமி சீனிவாசன் மருத்துவக் கல்லூரி மருத்துவமனையில் இருந்து ஏராளமான வாகனங்கள் பின் தொடர திருமாவளவனின் சின்னம்மா உடல் அவரது சொந்த ஊரான அரியலூர் கடலூர் மாவட்ட எல்லையில் உள்ள அங்கனூர் கொண்டு செல்லப்பட்டுள்ளது. அவரது உடலுக்கு அரசியல் கட்சித் தலைவர்கள் சமூக ஆர்வலர்கள் பொதுமக்கள் அஞ்சலி செலுத்தி வருகின்றனர். இந்த நிலையில், முதலமைச்சர் மு.க.ஸ்டாலின் எக்ஸ் தள பக்க்ததில் வெளியிட்டுள்ள பதிவில், அன்புச் சகோதரர் - எழுச்சித் தமிழர் திருமாவளவனுக்கு பிறந்தநாள் வாழ்த்துத் தெரிவிக்கத் தொலைபேசியில் அழைத்தபோது, தனது சிற்றன்னையின் மறைவு குறித்துத் தெரிவித்தார். சிற்றன்னையின் மீதான அவரது பாசப்பிணைப்பையும் - அவரது மறைவு ஏற்படுத்தியிருக்கும் வேதனையையும் - உள்ளத்தில் நிறைந்திருந்த சோகத்தையும் உணர்ந்து கண்கள் கலங்கினேன். அன்புச் சகோதரர் அவர்களுக்கும் - அவரது குடும்பத்தினருக்கும் - உறவினர்களுக்கும் எனது ஆறுதலைத் தெரிவித்துக் கொள்கிறேன் என தெரிவித்துள்ளார். க.சண்முகவடிவேல்

What's Your Reaction?

Like Like 0
Dislike Dislike 0
Love Love 0
Funny Funny 0
Angry Angry 0
Sad Sad 0
Wow Wow 0
mycitytrichynews
mycitytrichynews

Related Posts

மெத்; செய்தியாளர்களுக்கு மிரட்டல் ; தவெகவை கண்டித்து நாகை பிரஸ் கிளப் சார்பில் கண்டன ஆர்ப்பாட்டம் 

மெத்; செய்தியாளர்களுக்கு மிரட்டல் ; தவெகவை கண்டித்து நா...

mycitytrichynews Oct 28, 2026  0  18

சீர்காழி அருகே மனைவி, மகன் அடித்துக் கொலை; கணவன் தூக்கிட்டு தற்கொலை

சீர்காழி அருகே மனைவி, மகன் அடித்துக் கொலை; கணவன் தூக்கி...

mycitytrichynews Oct 24, 2026  0  68

நாகை மெத் போதை குற்றவாளிகளோடு தொடர்பு ; இரண்டு காவலர்கள் பணியிடமாற்றம்

நாகை மெத் போதை குற்றவாளிகளோடு தொடர்பு ; இரண்டு காவலர்கள...

mycitytrichynews Oct 20, 2026  0  265

காவிரி துலா ஸ்நானம்: திருப்பராய்த்துறையில் பல்லாயிரக்கணக்கான பக்தர்கள் புனித நீராடல்!

காவிரி துலா ஸ்நானம்: திருப்பராய்த்துறையில் பல்லாயிரக்கண...

mycitytrichynews Oct 18, 2026  0  19

தாராபுரம் இடைத்தேர்தலில் போட்டியிட்ட நாம் தமிழர் கட்சி வேட்பாளர் கோவையில் கைது

தாராபுரம் இடைத்தேர்தலில் போட்டியிட்ட நாம் தமிழர் கட்சி ...

mycitytrichynews Oct 20, 2026  0  57

விலைவாசி உயர்வை கட்டுப்படுத்த தவெக அரசு தவறிவிட்டது; மேட்டூர் தண்ணீர் திறப்பில் திட்டமிடல் இல்லை - எடப்பாடி பழனிசாமி 

விலைவாசி உயர்வை கட்டுப்படுத்த தவெக அரசு தவறிவிட்டது; மே...

mycitytrichynews Oct 16, 2026  0  11